Уловена е новата генерација на Renault Clio за време на тестирањето на една од затворените тест патеки на компанијата некаде во Франција каде инженерите работат на фино дотерување на подвозјето.

Renault уште сега вели дека новата генерација на Clio дизајнерски ќе го земе најдоброто што до сега го прикажале концептите Frenzy, R-Space и Captur што може да се насети од уловениот примерок.

Иако прекирен со масивна камуфлажа можеат да се забележат заоблените линии на каросеријата посебно одзади што би требало да потсетува на R-Space. Занчителен напредок е направен во кабината.

Според извори блиски на Renault кабината ќе биде поставена со поквалитетни материјали кои ќе се граничат со они во премиум класата, а акцентот е ставен на комфорот, но и на задоволството на возачот зад волан.

Под хауба на новото Clio ќе работи нова генерација на мотори како 0.9 литарскиот турбо бензинец со 110 КС најавен во R-Space, како и новиот 1.6 литарски турбо дизел со 130 КС познат од новот Scenic.

Што се однесува до жешката изведба на Clio која ќе доаѓа од Renault Sport за погон ќе биде задолжен турбо бензинец од 1.6 литри кој ќе ослободува малку над 200 КС колку да се надмине актуелниот Clio RS.

Новата генерација на Clio на пазарот се очекува дури следната година, но најверојатно светската премиера ќе се случи годинава на салонот во Париз.