Автомобилот кој ќе биде поставен на платформата на која лежи Chevrolet Cruze, но и Chevrolet Volt и Opel Ampera покрај надворешниот лик ја открива и својата внатрешност. Од General Мotors сеуште молчат околу предвременото појавување на Astra на интернет пространството.

Единствено се знае дека фотографиите кои всушност се комјутерски генерирани и се со мала биле наменети за дилерската мрежа на Opel за да им се најави новиот автомобил.

Она што го знаеме за новата Astra е дека е биде поставена на глобалната платформа Delta II и дека под хаубата покрај другите ќе работи и ново развиениот 1.4 литарски турбо бензинец.

Визуелниот идентите новата Astra го наследува од поголемата Insignia, но во наследство нема да биде само дизајнот. Astra од Insignia ќе ги наследи и техничките и технолошките решенија како што е на пример Opel Eye.

Се забележува дека новата Astra го напушта аглестиот дизајн и сега е многу позаоблена и делува поелегантно. Со поголемиот број на странични стакла се очекува да биде и многу попрегледна од актуелниот модел.

Во кабината се гледа силно влијание на дизајнот од Chevrolet Cruze и од Insignia и јасно е дека во новата Astra нема да недостасува ергономија и комфор кој ќе биде на нивото на останатите автомобили од класата.

Очекуваме наплив на информации околу новата Astra во периодот што доаѓа бидејќи нејзината светска премиера е закажана за во септември на салонот во Франкфурт.

Сериското производство ќе стартува кон крајот на годината, а првите примероци ќе стигнат во продажните салоно на почетокот од 2010.