Јасно е дека ловците на автомобили си ја бркаат работата, посебно кога се работи за една марка како што е BMW која предизвика бура со најавата за цела плејада на модели на база на серијата 3.

BMW најави дури 14 модели кои ќе се произведуваат на платформата на новата генерација на серијата 3, а еден од нив е BMW 3 GT. Помалиот пандан на BMW 5 GT е поставен на продолжена платформа на Серија 3 наменета за пазарот во Кина.

Автомобилот со типска ознака F34 под масивна камуфлажа веќе тестира по патиштата во близина на развојниот центар на BMW во Минхен и иако наликува на серијата 3 го издаваат широките носачи C и линијата на кровот.

Место како кај класичен седан таа продолжува безмалку до крај на задниот дел сокривајќи ја петата врата. Одзади е поставен и спојлер кој е активен и се подигнува кога автообилот ќе достигне одредена брзина.

Развојот е во тек, а појавувањето на пазарот е оставено за втората половина на следната 2012 година. Премиерата се очекува да се случи на салонот во Париз.