Последните фотографии направени од неуморните папараци ни ја даваат на дланка новата генерација на најмалото купе и кабриолет на Porsche. Иако податоците како што се мотор, менувач, моќност, перформанси сеуште се држат во тајност можеме да се насладуваме на новиот дизајн и на сознанието за доработените мотори.

Одзади се забележува измена на светлата и кај Cayman и кај Boxter. Сега задните светла се перчат со позаоблена форма и нудат повеќе карактер. Напред пак се поставени LED светла во стил на 911 Turbo кои одлично се вклопуваат во новиот дизајн на маската. Измени се очекуваат и внатре во патничкиот простор, но за сега тој останува сокриен од погледите на јавноста.

Новиот модел се очекува да биде претставен во текот на годината кога најверојатно ќе стартува и продажбата. Цените би требало да бидат неколку проценти повисоки од сегашните.