Panamera треба да го премости јазот меѓу спортистите 911, Cayman и Boxter и теренецот Cayenne. Porschе во моментов го држи рекордот со најголема заработка по автомобил. Ова најмногу се должи на успехот на Cayenne, омилен меѓу фамилијарни луѓе што сакаат Porsche но им треба простор.

Се чини дека сега е најдобро време за нов модел и Porsche го прави токму тоа. Фотографите покажуваат, Panamera е веќе на улица. Сепак, во салоните се очекува дури во 2009 година. Иако има дури две години до претставувањето Porsche не ги сокрива техничките податоци. Првиот бран, што ќе отиде во продажба, ќе го носи 4,8 литарскиот V8 од Cayenne со здрави 400 коњи. Прилично мрсен старт. Се очекува забрзување до 100 km/h за околу 4,5 секунди и максимални 290 km/h.

Но, турбото оди на сосем друго ниво. Опремено со 520 коњски сили и вртежен момент од 700 Nm му тропа на врата на М5 аргументирајќи околу трофејот за најжешка патничка ракета.

И тоа не е сé. Porsche чува уште некој ас во ракавот. Во 2011 Panamera не само што ќе го запознае погонот на четири тркала, туку ќе добие и помека еколошка изведба со хибридна технологија која е наменета и за Cayenne. Volkswagen обезбедува V6 со 300 коњски сили надополнет со електромотор. Така Panamera ќе вози низ град како автомобил со емисија нула или ќе пумпа дополнителни 100 коњи при нагло забрзување.

Купувачите ќе можат да бираат меѓу шестстепен мануелен менувач или да кешираат уште малку и да го добијат седумстепениот DSG кој го обезбедува Volkswagen.

Porsche е скромен околу прашањето за продажба и не очекува повеќе од 20.000 автомобили годишно.