Ете го новиот модел на Peugeot кој треба да им ја замати водата на Volkswagen Tiguan, Audi Q5, Nissan Qashqai и кого засега го нарекуваат 308 SUV, но всушност станува збор за долго најавуваниот 3008.

Папараците успеале да ги фатат прототипите за време на тестирање некаде во скандинавија и според она што може да се види станува збор за висока каросерија која не е претерано крената од земи што би требало да резултира со одлично држење на патот како кај автомобил.

Интересно е што моделот ќе се нуди со погон на две или на сите четири тркала. Вториов со помош на електронските помагала обезбедува проодност на вистински терене која е ограничена само од малиот клиренс.

Моторите што ќе работат под хаубата се познати од  останатите модели на Peugeot, од 1.6 литарскиот бензинец, до 2.0 литарскиот HDI дизел. Премиерата на 3008 е закажана за пред крај на 2009, а комерцијализацијата за почетокот на 2010.