Доколку информациите се точни и доколку автомобилот навистина заживее и влезе во сериско производство ценовно ќе биде позициониран под Mazda MX-5, а ќе биде директен конкурент на најавениот Renault Twingo CC, Peugeot 207 CC и Opel Tigra.

Најверојатно отворената Mazda 2 ќе има метален склоплив кров, а на капакот под која ќе се сокрива ќе бидат изведени две набабрувања кои потсетуваат на родстерите од минатото, а под нив ќе се сокриваат арките од ролбарот кој ќе ги штити возачот и совозачот.

Под хаубата ќе работат истите мотори кои ја задвижуваат Mazda 2 и новата Ford Fiesta. Значи бензинците од 1.3 и 1.5 литри и турбо дизелите од 1.4 и 1.6 литри.

Во врска со најавата за родстер врз база на Mazda 2 јапонскиот магазин за автмобили Best Car објави и компјутерски генерирана фотографија од можниот изглед на новиот отворен автомобил на Mazda.

Автомобилот дефинитивно изгледа добро. Иако чудни предните фарови како и капакот на кровот се тукa за да го донесат призвукот на минатото и да го оживеат ретро стилот на новиот малечок родстер.