Ова е еден многу важен модел за Mercedes од финансиска гледна точка, бидејќи со цената задира во просторот на Класа Е, а е поставен на основата на Класа С.

Сето ова говори профит. Голем мрсен профит од помал автомобил поевтин за производство кој продава убавина, стил и престиж. Но, според она што може да се види на фотографиите CLK не личи на убавец, за разлика од претходникот.

Се чини премногу надуван и тром, неместо да зрачи со ниска и флуидна силуета. Главните новини се во кабината, наместо да ја позајми арматурата од Класа С, CLK ќе нуди нешто сосем различно, а по кавалитет слично на Класа S и купето CL. Идејата е со понудата на квалитетот и оременоста CLK да ги раскине врските со Класа С и да се поистовети со моделите од повисоките класи.

Воедно CLK е основа за новиот кабриолет со кодна ознака А206 кој ќе пристигне шест месеци откако купето ќе го почне патот до купувачите. Како кај претходникот и новиот кабриолет ќе има мек платнен кров.

Како новина доаѓа можноста за греење на платнениот кров, па така и во најстудените зимски денови патниците ќе бидат соодветно затоплени.

Под хаубата на новиот CLK ќе работи целата гама на дизели и бензинци од штедливите четирицилиндрични дизели до брутaлнитe чудовишта од AMG со 700 коњски сили.