Станува збор за Laguna Coupe која, од она малку што може да се забележи на фотографиите, е многу слична на концептот прикажан во Франкфурт минатата година.

Разлика постои кај светлата и напред и назад, додека останатите дизајнерски елементи се слични на концептот, но за жал фотографите од брзање не успеале да го фатат автомобилот во целост па за комплетната слика ќе мора да се стрпиме.

Под хаубата на Laguna Coupe ќе работат два бензинци и два дизели. Од бензинците тука се 2.0 литарскиот турбо со 205 коњски сили и 3.5 литарскиот V6 со 230 коњи. Дизелите ги застапуваат исто така 2.0 литарски турбо со 185 коњски сили и 3.0 литарскиот V6 со 230 коњи.

Уредувањето на кабината кај Laguna Coupe ќе биде слично со она на Laguna GT, а задолжителен елемент најавен како куриозитет е управувањето на четири тркала.

Плановите во Renault велат дека продажбата би требало да стартува некаде кон крајот на годината, а цената почнува од околу 35.000 евра.