Корејскиот гигант Hyundai го претстави најновиот интегриран информациски систем наречен Blue Link кој ќе се започне да се вградува во автомобилите на Hyundai кон крајот на годината.

Најголемата предност, а воедно и новина на Blue Link е можноста за директна врска и синхронизирање на автомобилот и мобилниот телефон преку кого сопственикот има директен контакт со автомобилот.

На тој начин ведаш може да се дознае што се случува со автомобилот, неговата позиција, насилно влегување во него, информирање на службите за асистенција на пат во случај на судир и испраќање SOS сигнал.

Понатаму Blue Link дозволува далечинско стартување на автомобилот кое му овозможува на сопственикот да ја загрее или разлади кабината за што многумина ќе се согласат е одлична функција во жешките летни и студените зимски месеци.

Blue Link овозможува мобилниот телефон да го користи патниот компјутер на автомобилот како претражувач за сурфање на интернет и има можност да користи безжична интернет конекција додека е во автомобилот или близу до него.

Патниот компјутер преку мобилниот телефон ќе го информира сопственикот кога е дојдено време за сервис и воедно ќе го олеснува телефонирањето за време на возење.

Инженерите за развој на Hyundai истакнуваат дека Blue Link ќе нуди 30 различни функции, но за сега наведуваат само одреден број од нив. Интересно е што Blue Link нема да биде ограничен само на поскапите модели.

Според информациите ќе биде достапен за целата гама на Hyundai од најмалиот i10 до Equus. Први што ќе го понесат се обновената Sonata, или i40/i40 SW и купето Veloster чија продажба во Европа стартува кон крајот на годината.