Прво тука е системот S-AWC – Super All Wheel Control или супер контрола на погонот на четири тркала – кој користи повеќе сензори вклучувајќи ги и АYC - Active Yaw Control или активна контрола на аголот на свртување и ACD - Active Central Differential или активен средишен диференцијал, за да му помогне на Evo да ја испорачува моќтта на подлогата дури и при ниско ниво на тракција.

Важен напредок на системот S-AWC е стабилноста при сопирање што беше слаба страна на претходната едиција на Evo.

Mitsubishi исто така потврди дека ќе користи трансмисија со две спојки SST – Sport Shift Transmission или трансмисија со спортско менување на степените - што ќе му овозможи на Evo X да ги префрла степените мазно без прекини во испораката на моќноста. Слично како кај DSG од VW двете спојки треба да му обезбедат подобри забрзувања и да ја смалат потрошувачката.

Менувачот на новиот Evo ќе има три различни модуси на работа: Normal, Sport и S-Sport што ѕверчево го прави идеален високо перформансен, но достапен тркач.

Се очекува Mitsubishi да го претстави Evo на салонот во Токио, како против тег на Subaru Impreza WRX STI, Lexus LF-A и Nissan Skyline GT-R, доволно имиња за едно прекрасно шоу.

Сега да видиме всушност каква технологија стои зад силните кратенки со кои се гордее десетата генерација на Evo.

S-АWC – Super All Wheel Control
Системот за динамичка контрола на автомобилот S-АWC ги интегрира и менаџира четирите под системи AYC, ACD, ASC и Sport ABS со што се овозможува целосна контрола над возилото во секоја возачка ситуација од секојдневно возење до остро маневрирање во случај на опасност.

ACD – Active central Differential
Активниот средишен диференцијал работи со помош на повеќеламелна електронски контролирана виско-спојка. Системот овозможува пеглање на разликите во бројот на вртежи на предната и задната оска и ја оптимизира распределбата на вртежниот момент напред/назад обезбедувајќи најдобар баланс меѓу тракција и управливост.

AYC – Active Yaw Control
Активната контрола на свртување користи механизам за трансфер на вртежниот момент во задниот диференцијал кој ја, контролира разликата во вртежниот момент на секое од задните тркала посебно во зависност од условите на возење и го ограничува моментот на свртување на автомобилот, со што, ја подобрува стабилноста и ја зголемува брзината во свијок. AYC воедно игра улога на активен диференцијал недозволувајќи им на задните тркала да пролизгуваат со што се подобрува тракцијата. АYC првпат беше претставен во Lancer Evolution IV во април 1996 и претставуваше револуционерен чекор во подобрувањето на перформансите во свијок.

ASC – Active Stability Control
Активната контрола на стабилност го стабилизира автомобилот додека одржува оптимална тркација со регулирање на моќноста на моторот и силата на сопирање на секое тркало одделно. Поставувањето на сензор кој го мери притисокот на сопирачките на секое тркало овозможува попрецизна контрола при сопирање. ASC ја подобрува тракцијата при забрзување спречувајќи ги тркалата да се вртат во место на лизгава подлога. Воедно ја подобрува стабилноста на возилото со спречување на пролизгувањето кое настанува како резултат од нагли и неконтролирани маневри.

Sport ABS – Sport Anti-lock Braking Sistem
Спортскиот ABS во Evo X му овозможува на возачот да ја задржи контролата и да го одржи автомобилот стабилен недозволувајќи им на тркалата да блокираат при нагло сопирање или при сопирање на лизгава подлога.
Дополнувањето од сензорите од AYC и сензорите што го контролираат притисокот во сопирачките во Sport ABS го подобрува сопирањето во свијоци во споредба со Evo IX.

Како работи S-AWC
Споредувајќи ги информациите од вртежниот момент на моторот и притисокот во сопирачките добиени од ACD и AYC, системот S-AWC може побрзо да одреди дали возилото забрзува или успорува. Воедно S-AWC за првпат ја зема предвид и информацијата за степенот на свртување на возилото.
Ситемот со обработка и споредување на податоци од сензорите му помага на возачот прецизно да ја следи избраната линија на движење така што ја корегира секоја аномалија при возење. Дополнувањето од регулација на силата на сопирање му овозможува на AYС прецизно да го распредели вртежниот момент на левото и десното тркало и му помага на S-AWC да воспостави целосна контрола над однесувањето на возилото кога се вози на лимит.
Зголемувајќи ја силата на сопирање на внатрешното тркало при подуправување и на надворешното при надуправување и распределувајќи го вртежниот момент меѓу две соседни тркала S-AWC му овозможува на возилото да постигне поголема брзина низ свијок заедно со зголемување на стабилноста.
Значи со користење на сите овие системи S-AWC ефикасно и флуидно ја контролира возната динамика на возилото при забрзување, сопирање и во свијок во сите возни услови.
S-AWC нуди три модуси на работа: TARMAC за возење на сув асфалт, GRAVEL за мокро или за лизгава подлога и SNOW за на снег.
Кога возачот ќе избере модус кој најдобро одговара со состојбата на патот S-AWC го контролира однесувањето на возилото така за да му овозможи на возачот да извлече максимум перформанси.

Двојна спојка SST – Sport Shift Transmission
Кај SST непарните степени 1, 3, 5 и парните степени 2, 4, 6 се наоѓаат на две различни вратила секое поврзано со посебна спојка. Со систем кој прецизно ги контролира и двете спојки, ваквиот распоред на степените овозможува молневито и флуидно менување без пад на вртежите и на моќноста на моторот. Со користење на спојки место претворач на вртежниот момент SST ги смалува губитоците моќноста низ трансмисијата и овозможува ефикасност која води до смалување на потрошувачката.