Автомобилот кому му припадна честа да го претстави системот на светската јавност е Passat Variant. Целата работа функционира отприлика вака:

Passat Variant застанува, возачот излегува и ја затвора вратата зад себе и како се оддалечува од автомобилот го насочува далечинското кон него. Автомобилот почнува сам да го изведува маневарот за паркирање на назад на паркинг местото што само го избрал претходно, а по пракирањето сам го исклучува моторот, ја активира паркинг сопирачката и ги заклучува вратите.

Оваа демонстрација можеше да се види во живо во Хановер и докажа дека системот Park Assist Vision може да паркира автомобил апсолутно прецизно секаде каде што ќе пронајде соодветно место, дури и онаму каде што е претесно за возачот и патниците да можат да излезат по паркирањето или да влезат во автомобилот кога ќе одлучат да си заминат.

Откако веќе го лансираше полуавтоматскиот систем – управувач за паркирање или park – steering system во Touran, Tiguan, Passat и Passat Variant кој помага при паралелно паркирање VW сега претставува концепт способен и за косо и право паркирање.

Се што треба да направи возачот е да го одбере пронајденото слободно место на мониторот од системот за навигација и да ја префли со рачката од менувачот DSG во позиција P (park) и да излезе од автомобилот. Секако доколку сака возачот може да остане и во него.

Камери и ултрасонични сензори помагаат во паркирањето

Две камери лоцирани на надворешните ретровизори го проценуваат местото птребно за паркинг. Двата видео сигнали се пренесуваат до компјутер кој ги анализира и испраќа команда до управувачот и останатите системи кои го задвижуваат автомобилот.

Park Assist Vision го паркира автомобилот користејќи електромеханички систем за задвижување на управувачот, електронска сопирачка, дава команди на менувачот DSG и на управувачката електроника на моторот.

Две дополнителни камери сместени напред и назад на возилото и ултрасоничниот сензор ја надгледуваат и контролираат целата постапка и доколку е потребно го запираат автомобилот.

Исто така и возачот во било кој момент може да го прекине самостојното паркирање со помош на далечинското.