DTI спроведе обемно истражување со цел да се поттикнат купувачите да купуваат автомобили што штедат. Тестирањето е направено на јавни патишта и во обѕир се земени различни сообраќајни услови како лошо време, различен тип на пат, возење во град и сите вијланија кои се директно поврзани со потрошувачката на гориво.

Тестирани се 10 класи на автомобили од градски возила до MPV. Сепак, ние ги пренесуваме оние што се најинтересни кај нас.

Во тестот на минијата Polo се покажа како најштедлив. Оствари просечна потрошувачка безмалку идентична на декларираната од производителот. Воедно минито на VW беше единственото на овој тест што ја собори границата од 5,5 l/100 km.  

Меѓу компактите најдобриот изведувач е Citroen C4 1.6 HDI кој инвестицијата во дизелот ја враќа со ниски 5,69 l/100 km. Како што може да се забележи од табелата C4 успеа да го победи дури и совршениот 118d на BMW.

Фамилијарните превозници, односно седаните од средната класа покажаа дека не претеруваат кога станува збор за потрошувачката. Тука битката ја заокружи извонредниот дизел на Honda Accord 2.2 i-CDTi.

Секако дека ниту еден SUV не го носи епитетот штедливец. Но, како што можете да забележите подолу во табелата само еден од нив успеа да ја спушти границата од 8 l/100 km. Најголемиот штедливец меѓу нив е Honda CR-V кој го носи моторот од Accord. Истиот оној што победи меѓу фамилијарните седани.