Autodelta GT 3.7 Super, како што ја нарекуваат компресорската Alfa GT ги доведува познатиот V6 и подвозјето до екстрем. Постигнати без да се наруши практичноста и возните својства, барем така тврдат во Autodelta. Прилично смела изјава кога предните тркала на подлогата треба да пренесат моќност од 405 КС. Да, убаво прочитавте ергела од 405 моќни коњи.

Зафатнината од серискиот 3,2 литарски V6 е зголемена на 3,7 литри и во комбинација со центрифугалниот компресор на Rotex C38-81 е постигната горе наведената максимална моќност и вртежен момент од 508 Nm. Податоци за забрзувањето и максималната брзина Autodelta сеуште не објавува. Сепак, она што треба да ги интересира потенцијалните купувачи е дали и како моќните коњи се држат под контрола, отколку колку и треба на Autodelta GT 3.7 Super да фати стотка.

Најубавото е оставено за на крај. Англискиот understatement кај Autodelta GT 3.7 Super доаѓа до полн израз. Додека автомобилот однатре врие, однадвор безмалку воопшто не се разликува од сериската GT. Совршено за прикриените тркачи за кои правилото, грам имиџ вреди повеќе од килограм вистински вредност, не држи.