Не е првпат Audi да подготви специјална верзија на некој свој модел која подоцна се претставува на Worthersee Tour. Се сеќаваме на моделите како A3 TDI Clubsport и Audi TT Clubsport.

Од сериската верзија на Q5, коцептот се разликува по поагресивната каросерија со огромни отвори за воздух, нови прагови и испакнати арки над тркалата.

Насочувачот на воздух во предниот браник сега е објавена во црвена боја, која може да се забележи и на обрачот од леснометалните бандажи и на спојлерот на кровот од зади.

Агресивниот настап Q5 Custom Concept го добива и поради значитално проширената трага за 90 mm и кај предната и кај задната оска, а високиот SUV дополнително е спуштен за 60 mm.

Audi Q5 Custom Concept стои на огромни леснометални бандажи од 21 инчи кои дополнително ја истакнуваат ширината на автомобилот и е обоен во Дејтона Сива боја.

Под хаубата на кастомизираниот монструм работи познатиот 3.0 литарски V6 турбо бензинец TFSI кој сериски испорачува 333 КС, но за во Audi Q5 Custom Concept е модификуван и на сите четири тркала испраќа моќност од 408 КС и максимален вртежен момент од 500 Nm.

Подигнувањето на моќноста инженерите на Audi го постигнале со модификување на доводот за воздух и интеркулер кој е вграден во водено ладениот попречен стабилизатор монтиран меѓу предните тркала.

Снагата е доволна за вртоглаво забрзување до 100 km/h за 4,4 секунди и електронски ограничена максимална брзина од 250 km/h.