Но, покрај хаубата разликата ја прават и препознатливите леснометални бандажи на Alpina, предниот спојлер и интегрираниот дифузор одзади.

Во комбинација, новите делови на каросеријата овозможуваат отпорот на воздух да се смали на ниски 0,32 Cd и покрај гумите со ширина на валци.

Стандардниот 4.4 литарски V8 остварува подобри перформанси благодарение на радијален компресор кој нуди комбинација од турбо и механички компресор.

Сепак, не е се препуштено на компресорот. Сменет е профилот на брегастите вратила со што се подобрува согорувањето и се снижува работната температура на моторот.

Крајното достигнување се 530 коњски сили и вртежен момент од 725 Nm.

Измените го опфатиле и менувачот. Инженерите на Alpina тесно соработувале со експертите од ZF на ова поле. Резултатот е Alpina Sport Swich-Tronic менувач.

Каде брзината на префрлање е смалена за 50 проценти во споредба со стандардниот шест степен автоматик во мануелен модус на работа. Префрлањето од степен во степен е тешко да се забележи. Времето на префрлање е едвај 1/10 од секундата.

Сето ова условува автомобилот да забрзува како ракета. Спринтот до 100 km/h трае 4,5 секунди – 4,8 кај кабриолетот – а максималната брзина изнесува респективни 318 km/h.