Станува збор за лимитирана серија наречена Corvette Competition создадена за на улица да го пренесе успехот остварен во тркачката серија Леман.

Сепак, за Competition е предвиден само дизајнерски тјунинг. Тоа значи дека под хаубата работи серискиот 6.2 литарски V8 кој снагата до задните тркала ја испраќа преку шест степен мануелен менувач како и кај обичнта Corvette C6.

Competition ќе се раликува по уникатните леснометални бандажи обоени темно сиво, четирите издувни цевки и заден спојлер превземен од Corvette Z06.

Понатаму Corvette Competition може да се добие само во црна боја, со лимитиран список на опции за да се задржи тежината на што пониско. Со малите дизајнерски зафати во Corvette успеале на Competition да му го поклонат изгледот од тркачкиот модел C6R кој доминираше во класата GT1 на Леман.

Крајната цел е постигната. Купувачите за пристојна сума на пари, многу пониска од онаа потребна да се издвои за Corvette ZR1 со 650 коњски сили, ќе добијат лик на тркач во автомобил поддесен за секојдневно возење.

Можеби некој ќе се разочара очекувајќи многу повеќе од Corvette пред се на перформансен план, но сепак, мораме да се сложиме дека драматичниот изглед на автомобилот е моментот што освојува.