Сега сопственикот на F430 Spider ќе може да ужива во пиштењето на двата компресори на Rotrex како и кај неговиот покриен брат. Со нивна помош моторот на Spider пумпа 656 здрави коњи и го остава својот сериски побратим со неговите 490 коњчиња далеку зад себе.

Тука е јасно дека моќноста е на ниво на еден Enzo, а не на F430.

Покрај двата компресори кои впумпуваат дополнително количество воздух во моторот инженерите во Novitec ја ремапирале и ECU со што му овозможиле на Spider да ги катапултира патниците на старт и да достигне темпо 100 за 3,7 секунди. Забрзувањето трае се додека стрелката на брзиномерот не покаже максимални 348 km/h.

Секако за постигнување на олкава брзина потребен е и соодветен аеродинамичен пакет, овој на Novitec е тестиран во воздушен тунел и спесијално е развиен за Spider.

Дополнително вградено е одделна инсталација со масло за ладење, всисниот тракт е дополнително изолиран, поставени се два и интеркулери секој со своја пумпа за вода, има нови инјкетори за вбризгување на гориво и зајакнати ремени и затегнувачи.

Се заљубивте во Spider? Одлично. Сега следи разочарување. За цена мора да се обратите директно во Novitec, бидејќи варира во зависност од вашите желби. Но, тоа и не е толку страшно бидејќи вие сте среќен човек чим можете да си го дозволите.