Експертите во BMW очигледно сметаат дека неговиот вриштечки атмосферски V10 со постоечките 507 коњски сили не е доволно моќен за да ја добие битката со RS6.

Причината за експериментирање со вградување на турбо полначи е потврдата од неколку врвни тјунерски куќи дека моторот на М5 надуван од две турбини може да чини чуда. Најновата модификација доаѓа од G-Рower. 

Германскиот тјунер подготви битурбо верзија на V10 од М5 која со зоглемен притисок од само 0,5 бари остварува моќни 730 КС. Кога ќе се пресмета разликата во моќноста се добива бројка од безмалку 50 проценти повеќе снага во однос на стандардниот мотор.

На последниот тест на патеката Нардо болидот, пардон, спортската лимузина на G-Power, наречена Hurricane M5 достигна максимална брзина од 322 km/h. Ова не се реалните можности на автомобилот бидејќи мораше да се откаже поради проблеми со електрониката.

Развојните инженери во G-Power тврдат дека Hurricane M5 може да достигне максимална брзина од 350 km/h. Што е очигледен доказ и за изборот на името.

И секако најубавото секогаш доаѓа на крај. Во G-Power работат на верзија кај која приисокот во турбината е подигнат на 1,0 бар што на крајот би требало да произведе неверојатни 800 коњски сили.

Новиот пает за модификација на моторот би требало да биде завршен до Нова година. Тогаш можеме да очеуваме детални податоци за работата на инженерите во G-Power.