Најнoвата тјунерска креација за Ford GT доаѓа од Geiger Cars кои успеаја да му ја зголемат моќноста за неверојатни 29 проценти.

Надуваниот мотор сега остварува 701 КС и максимален вртежен момент од 837 Nm. Крајниот резултат е фаќање стотка за 3,5 секунди и максимална брзина од 340 km/h.

Извлекување на толкави перформанси од веќе прилично затегнатиот мотор на GT не е мала работа. Инженерите мораа да инсталираат многу поголем механички компресор кој го зголемува притисокот од 0,8 на 1,25 бари.

Исто така е ремапирана ECU на моторот, а поставен е и нов спортски филтер за воздух. Преработен е и издувот кој сега има поголем проток, а завршува со цевки со пречник од 110 милиметри.

За да обезбедат целата оваа моќност правилно да се пренесе на подлогата инженерите поработиле и на суспензијата која го доближува автомобилот за 60 милиметри до асфалтот.

Вградени се и нови леснометални бандажи со пречник од 21 инчи назад и 20 инчи напред облечени во соодветни гуми со ширина од 325 назад, односно 245 напред.

Убаво е што дизајнерите го оставиле првичниот успешен дизајн на автомобилот негибнат. Единствена разлика во однос на серискиот модел е нов заден браник кој во себе го носи модификуваниот издув.