Гликенхаус е поранешен менаџер во некој од богатите фондови на Волстрит кој прејде во филмски води и го замоли италијанскиот дизајнер и производител на каросерии Пининфарина, да го претвори супер автомобилот Enzo во современа реплика на тркачите P4/3 од шеесетите.

Сеуште незадоволен од автомобилот кој му беше испорачан минатата година Гликенхаус оттогаш го модификуваше поставувајќи издув во форма на триаголник наместо постоечките тркалезни цевки.

Кога го прашале дали модификацијата е козметичка или од практични причини Гликенхаус одговорил дека е помалку и од двете. Според модификаторот новата форма го подобрува протокот на гасовите од моторот и протокот на воздух кој води до задното крило.

Новиот сетап на издувот му ја олеснува работата на возачот кој на писта преку копче на централната конзола требаше дополнително да го отвори издувот за поголем проток.

Сега оваа перипетија ја нема, а ќар е погласна нота од издувот, што Гликенхаус го објаснува како прилично дива.