И токму во моментот кога сите се опседнати да ја хакнат единицата за електронска контрола ECU на моторот на Nissan GT-R, се појавува набилданиот мотор на Lancer Evo X од страна на тјунерската куќа HKS.

Инженерите во HKS го извадиле серискиот турбо полнач и го замениле со нов со поголем притисок, го смениле и всисниот тракт и ја ремапирале ECU и ја зоглемиле моќноста на 376 коњски сили. Патем скокнала кривата и на максималниот вртежен момент на графиконот од динамометарот за цели 40 Nm и сега 2.0 литарскиот турбо бензинец на сите четири тркала испорачува мрсни 480 Nm.

Со цел да се извлече максимум од автомобилот со оглед на зголемените преформанси на моторот во HKS комплетно ја смениле суспензијата и поставиле со што е сменет и сетапот.

Evo X сега вози поблизу до подлогата, носи леснометални бандажи од 19 инчи и има компелтно нова аеродинамичен кит изработен од карбон-фибер. Сите овие измени условиле добивање на подобри возни карактеристики.

HKS својата слава ја стекна преку преработка на моделите на Mitsubishi за филмот 2Fast 2Furious и доколку сте го гледале филмот ќе бидете уверени дека тјунерската куќа знае што прави. Бидејќи зад неа стои традиција подолга од 35 години.