Направен на основа на веќе спортскиот Type R, Honda Civic Mugen RR се трансформира во уште полут тркач по зголемувањето на моќноста и смалувањето на тежината во соработка со тркачкиот оддел Mugen.

Моќноста е зголемена за 15 КС над и онака страшните 240 коњи на Type R при 8.000 врт/мин и вртежен момент од 217 Nm.

Скокот доаѓа од модификација на всисниот систем, нови брегасти оски и издув со голем проток. Тежината е смалена со замена на некои делови од каросеријата со карбон и алуминиум. Сега Mugen RR е за 10 килограми полесен од донаторот Type R.

Дополнителните подобрувања вклучуваат гуми Bridgestone Potenza направени специјално за Mugen RR, нова спортска суспензија и помоќен систем за сопирање. Внатре автомобилот добива школкасти седишта од Recaro со уникатна везено лого Mugen RR.

Honda Civic Mugen RR ќе се произведе во лимитирана серија од само 300 примероци и сите ќе бидат обоени во иста боја т.н. Milan Red.