HS Motorsport е една од тјунерските куќи која има долга традиција во модификување на моделите на Volkswagen и тесно соработува со тјунерската куќа Hamman, но и со производителот на сопирачки Brembo.

Инженерите во HS Motorsport одлучиле да ја модификуваат во моментот најмоќната верзија на Scirocco која носи 2.0 литарски трубо бензинец со 200 КС. Но, ова ниту од далеку не било доволно за нив.

Затоа со вградување на својот врвен пакет за подигнување на снагата кај моторот инженерите од HS Motorsport успеале од 2.0 литарецот да извлечат 320 КС што на крај резултира со спринт до 100 km/h за 6,0 секунди и максимална брзина од 242 km/h.

Масивното зголемување на моќноста е постигнато со вградување на комплетно модификуван спортски издув од не`рѓосувачки челик со зголемен проток и спортски катализатори, нов поголем и помоќен турбо полнач и ремапирање на ECU.

Покрај 320. коњски сили HS Motorsport го опремува Scirocco со новите леснометални бандажи од 20 инчи Barracuda, пониски и поцврсти пружини и нови вентилирачки дискови кои ги зафаќаат потесни и полесни сопирачки клешти развиени во соработка со Brembo.