И како што доликува на престижната тјунерска куќа, нивните инженери успеале да направат вистински моќник со 226 коњски сили и вртежен момент од 285 Nm и сето тоа од 1.6 литарскиот турбо бензинец добиен од меѓусебната соработка на PSA Peugeot Citroen и BMW.

За сета оваа снага да може да се пренесе на подлогата преку предните тркала во AC Schnitzer вградиле самоблокирачки диференцијал со можност за блокада до 75 проценти.

Тука е и спортската суспензија, развиена на Нирбургринг, кај која е можно поддесување на висината, но и издувот со зголемен проток комплетно изработен од не`рѓосувачки челик.

Овој Mini Cooper S Clubman по доработката во AC Schnitzer лежи на уникатни леснометални бандажи од 17 инчи, двоен издув одзади и спојлер поставен долу на предниот браник заради подобрување на аеродинамиката, но и заради поагресивен изглед дополнет со алуминиумски детали во внатрешноста.