За визијата да се претвори во јаве на четворица американски уметници им беа потребни шест макотрпни месеци. Секој од кристалите е рачно обработен и залепен за и онака шик екстериерот на Mini.

Кен и Ени Буркит чија фирма CrystalArt е виновник за ова уметничко дело го крстија ова уникатно парче автомобил „American Icon”. Педесет различни нијанси на кристали беа потребни за да се направат слики од славните американски симболи.

На каросеријата се претставени Белата Куќа, Статуата на Слободата, Hollywood и Планината Рашморе во Јужна Дакота во која се исклесани ликовите на петте најголеми претседатели на САД: Џорџ Вашингтон, Томас Џеферсон, Теодор Рузвелт и Абрахам Линколн. Покривот е прекриен со знамето на САД со американскиот гологлав орел во средина.

Како што можете да претпоставите вакво уметничко дело не е евтино. Ова Mini е проценето на 737.000 евра.