Автомобилот доаѓа во две верзии под името Н320 и Н320SC. Првата верзија е помека и под хаубата пакува само 390 коњски сили додека онаа со наставка SC во името нуди галопирачки 580 коњски сили. И двете верзии својата дизјанерска нота ја повлекуваат од Boss 320 Mustang кој се произведуваше во доцните шеесети години од минатиот век.

И во двата автомобили работи 5.0 литарскиот V8 склопен во Saleen, кој носи ковано коленсто вратило и клипни лостови, како и ковани алуминиумски клипови и два инјектори за гориво со голем проток.

Атмосферската верзија на моторот истискува 390 КС, додека помоќниот брат се полни со помош на механички компресор и интеркулер и се перчи со своите 580 КС и максималниот вртежен момент од 711 Nm доволни за да се носат и со европските супер спортисти.

Моделите доаѓаат и со специјално тјунирана суспензија на Saleen која се користи во мотоспортот, 14 инчни вентилирачки дискови со четири клипни сопирачки клешти и ковани 19 инчни леснометални бандажи обоени во гуми Pirelli.

Основната цена за Н302 стартува до 56.999 долари, додека за Н302SC треба да се ибројат минимум 74.999 долари.