Тјунинг китот на Nothelle ќе биде достапен подеднакво и за купето и за родстерот и вклучува модификации и за 3.2 литарскиот V6 и за четирицилиндарецот 2.0 TFSI.

Врвот е битурбо верзија на 3.2 V6 quattro која остварува 520 КС и вртежен момент од 635 Nm. Пакетот вклучува и засилена спојка и посебно адаптирани степени на пренос за мануелниот менувач.

Опремен со DSG тјунираниот ТТ достигнува максимални 308 km/h.

Моќта за 2.0 TFSI е исто така зголемена во четири фази кои почнуваат од едноставно калибрирање на ECU и дополнителни 40 КС, до комплетна доработка на моторот кој во четвртата фаза нуди 330 КС и вртежен момент од 400 Nm.

Инженерите дополнително додале издув со зголемен проток, пониска спортска суспензија за 25 mm и 19 или 20 инчни леснометални бандажи.

За да го комплетира китот Nothelle нуди три делен преден и заден спојлер, странични завеси и задно крило.