По преминот на кабриолетот од серијата 3 на метален преклоплив покрив и со порастот на цената за неколку илјади евра во споредба со претходната генерација со платнен покрив, се отвори простор за нов модел. Него ќе го пополни кабриолетот базиран на серијата 1, со пониска цена и секако со поевтиниот покрив од платно. Паралелно со отворената верзија ќе стартува и купе со традиционалната купеовска форма на BMW и со сите доблести што се својствени за моделите од Минхен.