Токму поради овие причини не треба да чуди фактот дека Irmscher е првиот тјунер што се зафати да ја доработи Insignia, понудувајќи цел сет од стилски додатоци и модификации на подвозјето и моторите.

Сето ова доаѓа на време, пред стартот на продажбата на Insignia. Пакетот вклучува нов аеродинамичен кит, поцврста суспензија која дополнително го приближува автомобилот до подлогата, нови помоќни сопирачки и ковани леснометални бандажи со пречник од 20 инчи.

Секако највпечатлива тјунерска компонента е новиот аеродинамичен кит кој е дизајниран за да го смали отпорот на воздух, да допринесе подобро лежење при високи брзини и исто така важно, да му даде на автомобилот доза на агресивност во неговиот настап.

Китот е составен од преден спојлер вкомпониран во предниот браник, нова маска, странични завеси и спојлер одзади. Понатаму сменет е и задниот браник кој во долниот дел сега носи дифузор изработен од карбон-фибер.

Инженерите во Irmscher одлучиле на почеток да не чепкаат премногу во моторите на Insignia пред да се направат опсежни испитувања. Затоа единствената модификација направена за да се извлече повеќе моќност е замената на издувот кој сега е направен од не`рѓосувачки челик, има зголемен проток на гасовите и завршува со четири полирани издувни цевки.

Дополнувањето во моделската понуда на Insignia кое доаѓа од Irmscher е токму на време, бидејќи од Opel сеуште се чека високоперформансната верзија OPC.