Пишувавме дека Toyota на пазарот во САД ќе го понуди малечкиот iQ кој ќе се продава под беџот на тамошната марка Scion. Токму оваа автомобилче било предизвик за тјунерите од Cartel.

Tие за тјунерското шоу SEMA во Лас Вегас комплетно го смениле ликот на Scion iQ и го претвориле во Pit Boss, спајдер со отсечен кров и две места за седење кој е инспириран од светот на мотоспортот.

Затоа носи цевка која е дел од заштитниот кафез потребен за да се обезбедат возачот и совозачот, но и да се зацврсти каросеријата по отсекувањето на кровот. Pit Boss е шеф на питстопот кој со себе ги носи потребните елементи за работа.

Зад седиштата собира две резервни гуми, постаменти кои го држат подигнат спортскиот автомобил при менување гуми, дигалка поставена во дното на задниот браник и електрична заштрафувалка меѓу седиштата за брза реакција.

Покрај спортската техника техничарите на Cartel ја вградиле и најсовремена технологија за забава. На централната конзола е поставен iPad таблет преку кого се контролираат различни функции на автомобилот.

Тука е и мобилниот интернет за брз пристап до информации и генераторот кој испрачува електрична струја од 110V со соодветен приклучок, приклучоци за 12V, а аудиото е на Alpine.

Сето ова е надополнето со нови бушени и жлебени сопирачки дискови со шест клипни сопирачки дискови напред и четири клипни клешти назад кои се сокриваат зад црни леснометални бандажи од 19 инчи назад и 18 инчи напред.

Гумите се Toyo Proxes 4 со димензии 215/35 и 265/30, суспензијата е воздушна, тркачки кади се од минатото и се поставени со кожа, а техничарите користеле и многу, многу карбон-фибер.