Според инженерите во Vath со последната преработката на С Класа шасијата е доведена до нејзиниот максимум. Нивното дело наречено V63RS се перчи со моќни 585 коњски сили и мрсен вртежен момент од 690 Nm.

Бројките велат дека тоа се 130 коњски сили и 90 Nm повеќе од C63 AMG. Дополнителната снага од 6.2 литарскиот V8 е извлечена со помош на нова ECU која одговара со новиот систем за вшмукување со поголем проток и со новиот издув исто така со зголемен проток и целосно изработен од не`рѓосувачки челик.

На овој начин е разбиена магијата фрлена од инженерите на AMG и сега С Класа, пардон V63RS, може слободно да бришка по автопатиштата и тркачките патеки со максимaлна брзина електронски ограничена на 325 km/h. Заради како што велат во Vath безбедносни причини.

Сепак, модификациите не застануваат кај моторот. За сета оваа коњица да може да се пренесе врз асфалтот и притоа автомобилот да покаже исклучителна возна динамика и управување, инженерите во Vath морале да сменат уште неколку детали.

Суспензијата е сменета комплетно, поставени се нови пружини и амортизери кои влечат корени од мотоспортот и автомобилот е приближен до подлогата. Измени се напревени и кај диференцијалот кој треба да се бори со големиот вртежен момент. Сепак, во Vath сметале дека сопирачките на AMG можат да се носат со дополнителните коњи и ги оставиле негибнати.

Поставени се леснометални бандажи од 19 инчи со гуми со ширина од 265 mm назад и 235 mm напред. Големите гуми назад заедно со диференцијалот имаат носечка улога во пренос на 690 Nm врз асфалтот.

Сменети се и предниот и задниот браник кој сега има вграден дифузор, дополнително е поставен и мал спојлер на капакот од багажникот, а нови се и страничните завеси.

Така е подобрена аеродинамиката и потисокот врз подлогата, а смалена е тежината. Деловите изработени од карбон-фибер штедат 21 kg што му овоможува на V63RS да нуди уште подобри перформанси.