Кога веќе го спомнуваме DTM и болидите што возат во овој шампионат, тогаш ја наоѓаме и инспирацијата за задното крило, агресивните браници напред и назад, отворите за одвод на топол воздух во предните крила, интегрираниот дифузор назад, страничните завеси, четирите издувни цевки и хаубата од карбон-фибер прошарана со отвори за вентилирање.

Задржувајќи го стилот во Wald ја опремиле и кабината со алуминиумски педали, спортски волан и детали од карбон-фибер. Цената на доработката сеуште не се знaе бидејќи автомобилот сеуште е во фаза на развој и се очекува официјално да биде прикажан кон средина на годината.