Осумцилиндарскиот мотор од 6,3 литри со сила од 507 КС се грижи двоседот да забрза од нула до стотка за 4,3 секунди и да го однесе до крајна брзина преку 300 километри на час. Купето приспособено за возење по тркачка патека има претрпено неколку модификации со цел да се постигне подобро ладење и со тоа поголема издрживост во екстремни услови.

Модифицираниот AMG Speedshift 7G-Tronic и скратениот пренос во диференцијалот гарантираат голема агилност во секое брзинско подрачје. Подвозјето е оптимирано за трки и може да се дотерува посебно, вклучувајќи го и клиренсот.

Оптимална тракција гарантира блокадата на диференцијалот на задната оска, а за високи брзини во свијоци тука се гуми со формат 265/30 R19 напред и 285/30 R19 назад, ставени на олеснети и ковани бандажи од AMG.

Сродството со безбедносниот автомобил од формула 1 го откриваат новиот преден браник со големи отвори за воздух и странични канали од карбон, раширените крила и задниот браник со дифузорски перки и активно ладење на задната оска. Во Европа, CLK 63 AMG ќе има соодветна тркачка опрема, вклучувајќи тркачки кади, овален волан, карбон на средишната конзола, инструменти од AMG и олеснета облога на вратите. CLK 63 AMG Black Series ќе почне да се продава во јуни.