Вертикалната звучна кутија содржи поголем број на звучници наредени еден над друг со мембрана од карбон-фибер и два отвори за бас рефлекс во стил на отвори за ладење  за поголема сличност со моделите на Ferrari.

Art.Engine го добива звучниот сигнал преку бежичен WiFi уред, но оставени се и соодветни изводи за приклучување на CD плеер или iPod. Распонот на фреквенцијата оди од 40 Hz до 20.000 Hz што значи дека ниту најзагрозените аудиофили нема да можат да најдат замерка на репродукцијата на звукот.

Звучната кула има чист дизајн без многубројни прекинувачи кои само би ги нарушиле течните линии. Единственото копче се наоѓа на врвот од кулата од десна страна и служи за вклучување и исклучување. Копчето e исто како и старт/стоп копчињата во автомобилите на Ferrari.

За да се сочува ексклузивата и кај звучниците на Ferrari одлучено е Art.Engine да се произведе во лимитирана серија од само 1.000 единици. Цената е тука за да го надополни чувството на ексклузивност и претставува една убава округла бројка од 20.000 долари.

И за на крај секому што нема да му се допадне комбинацијата на црвено црно како звучникот на фотографијата ќе може да одбере меѓу дополнителниве три комбинации сиво/црно, сребрено/црно и секако црно/црно.