И претставува вистинско изненадување, освежување и задоволство сознанието дека и Pagani се приклучи на овој растечки тренд со еден прималив продукт.

Станува збор за аудио систем или како што е наречен Pagani HiFi направен од карбон-фибер и алуминиум материјали кои производителот обилно ги користи и во своите автомобили.

Дизајнот потсетува на аудио системот вграден во Рagani Zonda.  Понатаму деталите вклучуваат четири издувни цевки кои личат како да се пресадени од Zonda и поставени на дното од двата звучници имаат функција на бас рефлекс.

Моќноста на зучниците е 350 W, а звучниот сигнал го добиваат од засилувачот со моќност 150 W, CD плеерот и грамофонот поставени во средина меѓу нив со што се комплетира една визуелна целина.

Вградените компоненти и користените материјали гарантираат не само совршена чистина на звукот туку и исклучителна издржливост. Пример е механиката на CD плеерот за која се гарантира работен век од 30.000 часа.

Тука е вградено најдоброто од двата света и доколку сакате да стои кај вас во салонот да ве предупредиме дека најверојатно неможете да си го дозволите. Доказ за тоа е необјавувањето на цената.

За оние што сметаат дека се доволно имотни да се почастат со Pagani HiFi ќе мора да им се обратат директно во централата во Италија, а за да ви ја олесниме комуникацијата ви ја давеме нивната e-mail адреса: sat@paganiautomobili.it