Тука не станува збор за 911 Carrera 4, или пак, за Cayenne кои и зиме возат подеднакво добро. Но, што ако во зимски услови се најдете зад да речеме воланот на Cayman и заглавите во снег. Нема потреба од паника во Porsche се сетила на време и ја имаат вистинската работа за вас.

Porsche санка (фотос долу). Иако името не и е премногу имагинативно Porsche Aliminumschlitten или Porsche алуминиумска санка, сепак имагинацијата преовладува кога е во прашање практичноста.

Санката се склопува и се претвора во еден вид практична торба за носење и за складирање, бидејќи е предвидена без проблем да се смести во багажникот на Cayman, Boxter, па дури и 911, за Cayennе и да не зборуваме.

И покрај тоа што е изработена од алуминиум делот кој има контакт со снегот или буквално лизгалките, имаат плус плочки од не`рѓосувачки челик. Санката без проблем може да ја издржи тежината на еден возрасен човек.

Втората санка го носи името Porsche Kinderbob или Porsche боб санка за деца. И како што самото име кажува наменета е за уживање на снег за деца. Токму затоа има лут тркачки дизајн кој ги освојува детските срца на прв поглед.

Се управува со рачки како кај велосипед, собира едно дете и најважното има свирка за предупредување на спорите возачи кои се дрзнуваат да возат во крајната лева лента.

И на крај цените. Секако за децата поевтино, Kinderbob може да се купи за околу 65 евра, а возрасните што сакаат да се санкаат со Porsche ќе мораат да се одвојат од дури 250 европски банкноти.