Благодарение на Renault F1 тимот, можете да си го остварите сонот со Renault F1 Team колекцијата.

Концептот е едноставен и брилијантен: зошто да не рециклирате делови од болидите во Ф1 и да ги адаптирате така да можат да се користат секојдневно во вашиот дом. Renault го постигна токму тоа – од подметнувачи под чаша до лампи, од соларници до држачи за салфети, секој предмет е изработен со љубов и е адаптиран од голем број на делови од вистински болид на Renault.

И како што е за очекување, ниту еден предмет од оваа колекција не е евтин, но од друга страна вистинските вљубеници во Ф1 тешко ќе одолеат на оваа единствена понуда.

Садовите за сол и бибер, на пример, се изработени од куќиштето на филтерот за масло, кое пак е изработено од специјален алуминиум кој се користи во авиоиндустријата и ќе ве чинат „само” 1.500 евра. Релативно пристојна цена за задоволството.