Според нив ротирачкиот механизам го смалува стресот додека се обидувате да го сместите мрдачкиот убавко во безбедниот заден дел од вашиот автомобил.

Поминаа четири години во развој на седиштето Axiss – оска, кое може да се сврти под агол од 90 степени и на двете страни во однос на основата.

На тој начин детето може да се смести и врзе во седиштето додека е свртено со лицето кон родителот. Што ја олеснува работата на родителот и делува смирувачки на детето.

Потоа седиштето се враќа во основната положба односно со лицето напред. Седиштето може да се постави и на двете страни на задната клупа, а се фиксира да гледа право напред со помош на паметен клуч – механизам.

Нормално седиштето го задржува системот за лесно поставување во автомобилот со традиционалните три точки на врзување. Воедно тука се и појасите кои се местат по висина, наслон за глава со дебела заштита од страна која го штити и грбот и главата.

Седиштето може да се пофали со дебела постава од пена и можност за менување на аголот на седење за да постигнување на максимален комфор.

Предвидено е за деца од 9 до 18 килограми или за возраст од отприлика 9 месеци до 4 години и ги задоволува најстрогите европски стандарди за безбедност.

Axiss се нуди во палета од девет бои по цената од безмалку 300 евра. Заинтересираните нека ја посетат интернет страната www.bebeconfort.com.