Првото изненадување е претставувањето на првиот сериски примерок на Alfa Romeo 8 Competizione Spider, а оваа модерна и брза убавица со спортско срце ќе ја придружуваат уште неколку историски модели на Alfa.

Италијаните планираат во Goodwood да направат една ретроспектива на своите спортски модели кои минувале низ историјата и само за задоволство на љубителите на автомобили ќе го напуштат музејот на Alfa во Арезе, Италија.

Најстариот е моделот P2 Grand Premio кој во 1925 ја освои првата светска титула за Alfa Romeo. Крај него ќе стои моделот 6С 300 СМ кој во 1953 на трката Mille Miglia го освои второто место завршувајќи веднаш зад Ferrari.

Во Goodwood нема да бидат прикажани само спортските модели. Alfa Romeo која в година ја слaви својата 100 годишнина ќе прикаже и два концептни автомобили. Alfa Carabo од 1968 со врати кои се отвораат како крила управувани од хидропневматски механизам и Navajo прикажан 10 години подоцна.