Капакот на багажникот е на располагање во две верзии. Сериски се испорачува со полуавтоматизиран начин на отворање, а со доплата се добива целосно автоматизирано отворање. Во оваа верзија капакот е дополнително акустички изолиран за да не пропушта никакви звуци во кабината.

Потребната цврстина на каросеријата е постигната со додавање на носачи од посебно зајакнат челик добиени со обликување на висока температура. Внатре има место за четири патника, а со спуштање на задните седишта багажниот простор расте од скромните 260 на пристојни 674 литри.

А3 Cabrio доаѓа со четири различни моторни понуди. Станува збор за два бензинци и два TDI агрегати. И бензинците и дизелите имаат директно вбризгување и турбополначи и испорачуваат од 105 до 200 коњски сили.

Автомобилот во сите верзии сериски е опремен со леснометални бандажи од 17 инчи и шест степен мануелен менувач. Опциите вклучуваат поголеми тркала од 18 инчи, автоматски менувач S-Tronic и спортски пакет кој се состои од спортски седишта и поцврста суспензија.

Како и кај останатите модели од понудата на Audi стилскиот пакет за разубавување на екстериерот S-line ќе биде на располагање и за А3 Cabrio.