Откако ги прикажа првите скици од својот нов концепт на градско возило urban Concept, Audi сега ги прикажува и првите компјутерски генерирани фотографии од него и до неговиот отворен близнак.

Така во Франкфурт покрај Urban Concept, ќе се појави и концептот Urban Sportback Spyder. Како што велат од Audi концептите не наликуваат на ниту еден модел што до сега го развивала марката и се создадени на сосема нова основа.

Принциот на градба е едноставна и лесна конструкција за висока ефикасност истакнуваат од Audi. Малиот автомобил поставен на леснометални бандажи од 21 инчи во должина мери 3.200 mm, широк е 1.700 mm, а висок е 1.200 mm.

Погонот како што наведовме при најавувањето доаѓа од два електрични мотори од типот e-Tron кои енергијата ја добиваат од литиум-јоснки батерии. Други информации за техниката сеуште нема.

Телото и кај отворената верзија е монокок од карбон-фибер со алуминиумски рамки. Во кабината има две седишта поставени дијагонално едно зад/до друго, а отсуствува покривот во облик на купола на авион.

Место него дизајнерите му поклониле две странични врати со фиксни стакла кои се отвораат нагоре во стил на Lamborghini заради полесно влегување и излегување во тесен простор.

Повеќе информации се очекуваат по премерата.

Audi Urban Concept

Audi Urban Sportback Spyder