Прва цел на Audi со пакетот S-Line е да се подобрат возните својства на новиот SUV со помош на модификуваната суспензија која сега е поцврста и со леснометалните бандажи со дијаметар од 20 инчи обуени во гуми со ширина 255 милиметри.

Втора цел е визуелниот настап на Q5 кој во пакетот S-Line доаѓа со затемнети стакла, нов преден браник со поголеми отвори за довод на свеж воздух во кој е вкомпонирана и хромирана предна маска, шини на кровот и наново обликуван заден браник.

Соодветно на надворешниот изглед, но и на името на пакетот, Q5 S-Line доаѓа со спортски предни седишта со лого извезено на потпирачите и ентериер преслечен со Nappa кожа или со алкантара. Пoнатаму тука е спортскиот волан преслечен со перфорирана кожа, детали од четкан алуминиум и прагови на вратите во кои исто така е изгравирано логото S-Line.

И додека визуелниот лик и подвозјето ги користат придобивките од пакетот S-Line, моторната понуда останува несменета што значи дека потенцијалчните купувачи повторно можат да изберат еден бензински агрегат или еден од двата турбо дизели TDI кои работат и во обичниот Q5.