Audi покрај работата на хибридна верзија на Q5 работеше и на хибриден погон за поголемиот Q7, но и тој проект се отповикува. Одговорните во Инголштад велат дека сега е време средствата да се насочат кон развој на подобри и поефикасни дизел агрегати.

Гласноговорникот на Audi го изнесе официјалниот став на компанијата во кој вели: „Audi нема да работи на развој на хибрид со бензински ниту со дизел мотор се додека не се постигне поголема сигурност од самозапалување на литиум-јонските акумулаторски батерии во случај на судар и додека хибридните системи не станат поефикасни. Дотогаш компанијата ќе се концентрира на создавање на врвни дизели и на обилно користење на алуминиум при градење на шасијата и каросеријата.”

Audi Q5 и поголемиот Q7 уште следната година ќе добијат систем старт/стоп со цел намалување на потрошувачката и емисијата на издувни гасови, пред се СО₂, но и низа други технолошки новини.

Истите ќе бидат откриени со претставувањето на малечкиот автомобил на Audi, A1 кој на пазарот ќе се појави во 2010.