Без оглед што од Toyota го претставуваат како концепт Auris HSD Full Hybrid во основа е верна копија на сериската верзија на автомобилот која што купувачите од стариот континент ќе ги дочека во продажните салони во втората половина на 2010.

Најновиот хибрид на Toyota, Auris HSD Full Hybrid создаден специјално за Европа го користи хибридниот погон од последната генерација Hybrid Synergy Drive кој работи во новата генерација на Prius со бензинец од 1.8 литри и електромотор.

Придобивката од хибридниот погон кај Auris HSD Full Hybrid е изразенета економичност со просечна потрошувачка од околу 4 литри на 100 изминати километри и емисија на СО₂ од помалку од 100 g/km.

Покеај нагласените зелени предности на хибридниот погон Auris HSD Full Hybrid на купувачите ќе им понуди одлични возни својства и перформанси над нивото на Prius. Пример: забрзувањето до темпо 100 е околу 10 секунди.

Auris HSD Full Hybrid ќе нуди поголема автономија при возење само со електричен погон која се должи на користењето на сончеви ќелии за напојување на периферните агрегати кои обично се големи потрошувачи на енергија.

Фотоволтаичните ќелии се поставени во кровот на Auris HSD Full Hybrid и внатре на арматурата. Тие на кровот ќе се грижат за обезбедување на доволно количество енергија за работа на клима уредот, додека тие на арматурата ќе ги напојуваат мобилните телефони или музичките и плеери кои ќе се поставуваат во наменски предвидените отвори.

Auris HSD Full Hybrid на возачот му нуди три режими на возење Eco, Power и EV со кои во зависност од потребите максимално се искористува снагата на хибридниот погон и следствено се намалува потрошувачката.

Toyota пласираше информација дека Auris HSD Full Hybrid ќе се произведува во нивната фабрика во Велика Британија, а цената би требало да биде малку пониска од онаа на актуелниот Prius.