Nissan планира да започне производство на евтин модел во погоните на AvtoVAZ. Евтиниот модел ќе се произведува на основата на Dacia Logan и ќе биде уште една варијанта на Lada R90.

Информацијата доаѓа директно од шефот на руското одделение на Renault и на Nissan, Бруно Анселен и според него производството треба да стартува во текот на следната година.

Година подоцна, поточно во 2013 во погоните на AvtoVAZ ќе почне производство на мотори и менувачи за Renault, Nissan и Lada, a во 2015 години ќе почне производство на модели на Renault и на Nissan.

За да се остварат плановите алијансата во Русија ќе инвестира околу 2 милијарди долари. Во моментот Renault-Nissan поседуваат 25% од AvtoVAZ, но во следните неколку години со најавените 2 милијарди долари уделот ќе достигне 51%.

Оваа бројка ќе се достигне на сметка на инвестиции и доставување на нови технологии за напредок на AvtoVAZ.