Наградата „Интернационален ван на годината” се доделува од 1992, а истата ја доделува жири составено од новинари од 20 европски држави. Годинава Citroen Nemo, Fiat Fiorino и Peugeot Bipper беа избрани за Ван на годината за 2009 и успеаја од вкупно 140 гласови да освојат дури 112.

Одлуката на жирито, тројката ванови, создадена од заедничаката соработка меѓу Fiat и PSA, да биде прогласена за Ван на годината е поради оригиналноста на проектот од кого како резултат е произлезено малечко товарно возило со многу нови решенија.

Со својата компактност, оптималниот волумен на багажникот, поточно товарниот простор од 2,8 m³, носивоста од 610 kg, практичноста, добрите возни својства, Bipper, Fiorino и Nemo тројката во потполност ги задоволуваат потребите на купувачите на ваков тип на возила.

Згора на ова се надоврзува и патничката верзија на секој од моделите која што има широка примена како семејно возило, но и возило за слободни активности. Покрај практичноста возилата привлекуваат и со современиот, допадлив и динамичен дизајн.

Тројката лесно комерцијални возила се произведува во фабриката на TOFAS во Труција, а се извезува во преку 80 земји во светот.

Очигледно е дека соработката меѓу Fiat и PSA од една страна и TOFAS од друга функционира беспрекорно и дава одлични резултати бидејќи минатата година титулата Интернационален ван на годината беше доделена на лесните комерцијални возила Citroen Jumpy, Fiat Scudo и Peugeot Expert.