Минхенската марка буквално го толкува поимот Gran Turismo и ја става на тркала студијата CS со која цели кон противниците Mercedes CLS и Porsche Panamera. Од димензиите на купето на BMW, противнициве паѓаат во сенка: каросеријата се протега на 5,10 метри во должина, 1,98 во ширина и 1,36 висина. Тоа ветува многу простор и во длабоките школкасти седишта одзади.

Тесни и високи светла со LED техника ги допираат огромните бубрези на BMW, низ кои влегува доволно воздух да лади под масивната хауба со powerdome на неа. И во браникот се интегрирани големи отвори за воздух. Отстрана прво што паѓа во очи се бандажите од 21 инч и ниските прозорци. Линијата на покривот паѓа се до опашот кој завршува со дискретен спојлер. Техника со LED диоди имаат и задните светла. Четири големи издувни цевки со коцкаста форма се собрани во задниот браник.

Внатре CS е среден како четирисед. Средишната конзола продолжува и назад и служи како потпирач за рака. За сите четири патници има длабоки спортски седишта. Арматурната табла е завртена кон возачот и прикажува спој на благородни материјали, меѓу кои и керамика, а во фугите се поставени светлечки диоди, за внатре да се добие атмосвера на lounge. Околу погонот нема детаљи, но барем на BMW не му е проблем да најде мотор по мера за овој концептен автомобил.