Возилото за кое станува збор одзади е безмалку идентично со Х5, но според Shuanghuan дизајнот е сосема легален бидејќи е одобрен од властите во Кина.

Европскиот импортер на спорното возило е China Automobile, чив извршен директор Карл Шлосел објаснува дека развојот на возилото е независен и дека истото нема никакви сличности со моделот на BMW, Х5 ниту во стилот ниту во цената.

BMW пак тврди дека луѓето на прв поглед не ја препознаваат разликата меѓу нивниот Х5 и возилото од Кина, што во основа е и извор на проблемот.

Додека BMW веќе е на суд во Mercedes забрзано подготвуваат тужба против уште еден автомобил на Shuanghuan, а тоа е клонот на Smart кого кинезите го нарекуваат Nobel.

Минатата недела Continental го доби случајот против кинеската компанија која продава гуми со иста ознака без претходно одобрение или договор со матичната фабрика.

Одлуката на судот во случајот на Continental отвора врати за позитивен исход од случаите на BMW и на Mercedes за забрана на продажбата на клонираните автомобили во Европа.