Информацијата е сигурна. По сигруна неможе да биде. Доаѓа директно од врвот на раководството, поточно од шефот на BMW, Норберт Рајтхофер, кој потврдува дека во Минхен се готви X4.

Рајтхофер не сака да остане само на зборови и затоа ја претставува и првата скица од автомоилот кој ќе биде поставен на основата на X3, но ќе има поагресивен настап и во него ќе се возат четири патници.

За да нема двојби шефот на BMW кажува и дека во одделот М се подготвува жешка верзија на X4 која ќе биде означена со буквата М. Без оглед на потеклото Х4 ќе има сосема различен дизајн кој воопшто не го врзува со Х3.

Идејата е да се создаде сосема различен автомобил преку кого ќе се зацврсти спортскиот имиџ на марката, а во понудата X4 ќе биде поставен скалило погоре од X3, но сепак ќе стои доволно долу да не се вмеша кај Х5 и Х6.

Всушност наведува Рајтхофер, разликата меѓу Х3 и Х4 ќе биде иста како меѓу Х5 и Х6. Дури и во кабината ентериерот ќе биде насочен кон луксуз и спортско доживување, а не кон практичност заради ограничениот простор определен со ниско поставениот кров.

BMW е свесен дека практичната страна на Х4 ќе биде жртва на стилот, но кај Х6 се покажа дека тоа воопшто не им пречи на клиентите на марката. Х4 е одговор на BMW на најавениот Porsche Cajun и на неговиот брат Audi Q4.

Според Рајтхофер, планот на баварците е да го испратат X4 на пазарот во 2014 година.